لقاء الحبيب

ما احلي ساعة تنقضي في قرب الحبيب
القلب فيها يتغسل والشوق لرؤياه يتوصل
وتلاقي صوتك ليه وصل.. احساس رهيب
وتقوله يا حبيب ربنا ياللي اصطفاك.. بعتك لنا
حامل لنا اطهر رساله في عمرنا بتقولنا.
.لازم نحب بعضنا تعمر قلوبنا بالمحبة
والناس تعيش وقلوبها شابة
.. والخير يزيد ولا يستخبي
ما احلي ساعة تنقضي في ارض الرسول
تدخل له من باب السلام يجي الخشوع من غير كلام
قلبك يدوب في حضرته تشب  فوق لرويته
اول ماتوصل نحيته تنسي الكلام والقلب يبقي بيترعش
وتقول سلام والدمع يجري عالخدود فوق الحدود
تتمني وانت في حضرته انك تعود او ان لحظة وقفتك
يحصل خلود
تلقط ودانك دعوة حلوة تقول امين
تقعد تكرر في السلام تسمع انين
تلاقي جارك بالدعاء مفطور حنين
بيقول كلام شبه الكلام لكن طنين
حروف غريبة وناس غريبة الناس دي مين ؟
وبيبكي زيك بالتمام وايمان متين
تقول يارب اهدي كل المسلمين
ياخدك طوفان ويا الجميع تخرج علي باب البقيع
خطوة تكون وسط الصحابة شئ بديع
اطهار وفرسان للرسول حائط منيع
ما احلي ساعة تنقضي في قرب الحبيب